ABŞ prezidenti Donald Tramp Rusiyanın Putinin telefon danışığı zamanı Ukraynaya hərbi yardım və kəşfiyyat məlumatlarının tamamilə dayandırılmasını tələb etməsi ilə bağlı iddiasını təkzib edib.
Fox News-un jurnalisti Laura İnqreham Amerika prezidentindən Kremlin bəyanatına münasibət bildirməsini xahiş edib və o, Putinlə Ukraynaya yardım məsələsini ümumiyyətlə müzakirə etmədiyini bildirib.
"Xeyr, (Putin) tələb etmədi - biz yardım haqqında danışmadıq. Əslində, biz, ümumiyyətlə, köməkdən danışmadıq, çox şeylər haqqında danışdıq, amma kömək heç vaxt müzakirə olunmadı".
Putinin niyə tam atəşkəsə razı olmadığı sualına Tramp deyib ki, cəbhədəki vəziyyət “bir-birini nişan alan çoxlu silah”dır.
Xatırladaq ki, ABŞ prezidenti Donald Tramp və Rusiya prezidenti Vladimir Putin arasında telefon danışığından sonra hər iki tərəf bəyanat yayıb.
Vaşinqtonun bildirdiyinə görə, Putin 30 günlük atəşkəsi rədd edib, yalnız enerji infrastrukturuna hücumların dayandırılması ilə razılaşıb.
Bu arada Kreml bildirib ki, Putin Kiyevə hərbi yardım və kəşfiyyatın tam dayandırılmasını tələb edib və bunu sülh nizamlanmasına başlamaq üçün “əsas şərt” adlandırıb.
S.ELAY
XQ
