İtaliyanın şimal-qərbində, İsveçrə ilə sərhəddə yerləşən Piedmont bölgəsində baş verən qar uçqunu nəticəsində üç nəfər həlak olub.
AZƏRTAC xəbər verir ki, Alp dağlarının 2856 metrlik Punta Valqrande zirvəsinə qalxan 5 alpinist qar uçqunu altında qalıb. Əraziyə helikopterlər göndərilib.
Axtarış-xilasetmə əməliyyatı nəticəsində 3 nəfərin cəsədi çıxarılıb. Xilas edilən iki nəfər xəstəxanaya yerləşdirilib.
Nihad Budaqov
AZƏRTAC-ın xüsusi müxbiri
Roma
