ABŞ-ın Yeni Orlean şəhərində yük maşınını Yeni ilin gəlişini qeyd edən insanlara doğru sürən şəxsin kimliyi müəyyən edilib. AZƏRTAC-ın “ABC News”a istinadən verdiyi məlumata görə, sürücü 42 yaşlı Şamsud Din Cabbardır. O, hadisə zamanı müqavimət göstərərək 2 polisi yaralayıb və daha sonra zərərsizləşdirilib.
Hadisə yerindən kustar üsulla hazırlanmış partlayıcı qurğular aşkarlanıb. Hüquq-mühafizə orqanları ölən şübhəlinin ölkəyə nə zaman daxil olduğunu və İŞİD-lə əlaqəsinin olub-olmadığını müəyyən etməyə çalışır.
