Türkiyənin İsparta şəhərində hərbi helikopter qəzaya uğrayıb.

AZƏRTAC xəbər verir ki, hadisə İspartanın Keçiborlu rayonu ərazisində baş verib.

Qəza ilə bağlı açıqlama verən İsparta Bələdiyyəsinin sədri Şükrü Başdeğirmen helikopterin düşdüyü dəqiq yerin hələ müəyyən olunmadığını və axtarış-xilasetmə qruplarının bölgəyə göndərildiyini bildirib. Helikopterdəki heyət sayı ilə bağlı hələ açıqlama verilməyib.

***

Türkiyənin İsparta şəhərinin Keçiborlu rayonu ərazisində baş verən helikopter qəzası zamanı şəhid olan hərbçilərin sayı altıya yüksəlib.

AZƏRTAC xəbər verir ki, hadisə İsparta Quru Aviasiya Məktəbinin təlim uçuşu zamanı iki helikopterin toqquşması nəticəsində baş verib. Helikopterlərdən biri qəzaya uğrayıb, digəri isə təhlükəsiz eniş edə bilib.

Türkiyənin Milli Müdafiə Nazirliyi həlak olan hərbçilərin sayının 6-ya yüksəldiyini açıqlayıb.

Hadisə ilə bağlı açıqlama verən İsparta valisi Abdullah Erin şəhid olanlardan birinin İsparta Quru Aviasiya Məktəbinin komandanı general-mayor (tuğgeneral) İsa Baydilli olduğunu bildirib.