Vandenberq Kosmik Qüvvələri Bazasının mətbuat xidmətinin verdiyi məlumata görə, ABŞ Minuteman 3 qitələrarası ballistik raketinin sınaq buraxılışını uğurla başa çatdırıb.
Mətbuat xidmətinin məlumatına görə, sınaqlar ölkənin qüdrətini və potensialını nümayiş etdirir. Baza rəsmiləri deyirlər ki, bu, ABŞ-ın 21-ci əsrdə yaranan təhlükələrin effektiv şəkildə qarşısını almağa hazır olduğunu təsdiqləmək üçün hazırlanmış standart buraxılışdır.
"Bu cür sınaqlar 300 dəfədən çox keçirilib və bu sınaq hazırkı dünyada baş verən hadisələrin nəticəsi deyil", - mətbuat xidməti əlavə edib. ABŞ Hərbi Hava Qüvvələrindən verilən məlumata görə, sınaq bir neçə il əvvəl əvvəlcədən planlaşdırılıb.
S.ELAY
XQ
