ABŞ Tayvana silah tədarükünü dayandırmalı və Çinin sülh yolu ilə birləşməsini dəstəkləməlidir. Bunu avqustun 28-də Çinin xarici işlər naziri Van İ ABŞ prezidentinin milli təhlükəsizlik üzrə müşaviri Ceyk Sallivanla danışıqlar zamanı bildirib. Məlumatı “İzvestiya.ru” verib.
Çinli nazir deyib: “Birləşmiş Ştatlar Tayvanın müstəqilliyini dəstəkləməmək, vahid Çin prinsipinə və üç Çin-ABŞ birgə kommünikesinə əməl etməli, Tayvanı silahlandırmağı dayandırmalı və Çinin dinc yolla birləşməsini dəstəkləməlidir”.
Van İ Vaşinqtonu 2023-cü ilin payızında San-Fransiskoda ABŞ prezidenti Co Bayden və Çin sədri Si Tszinpin arasında keçirilən danışıqlarda əldə edilmiş razılaşmalara əməl etməyə çağırıb. Sonra Amerika tərəfi bir Çin prinsipi ilə razılaşdığını təsdiqlədi.
P.ƏMİRCANOV
XQ
