NATO Ukrayna ilə müdafiə texnologiyaları sahəsində əməkdaşlığı genişləndirməyi və Rusiyanın elektron müharibə imkanlarına dair kəşfiyyat məlumatlarını bölüşməyi planlaşdırır.

Bu həftə NATO baş katibinin köməkçisi David van Vil bildirib ki, Rusiyanın Ukraynaya qarşı müharibəsi alyansı kibertəhlükəsizliyə və Rusiya hərbi texnologiyalarını izləməyə daha çox resurslar ayırmağa sövq edib.

Van Vil bildirib ki, dron təchizat zəncirləri də daxil olmaqla məlumat mübadiləsi üçün yeni çərçivə təqdim edən saziş alyansın iyul ayında Vaşinqtonda keçiriləcək sammitində yekunlaşacaq.

Proqramın məqsədlərindən biri müharibə bitdikdən sonra Ukraynanın əsas texnologiya təchizatçısı olmasına kömək etməkdir. Van Vil bildirib ki, NATO Ukraynada qarşıdurma başlayandan bəri müşahidə olunan texnologiyanın mənimsənilməsi və yerləşdirilməsinin bəzi sürətli templərini təkrarlamaq istəyir.

NATO rəsmisi Kiyev, Brüssel və Pentaqonun nümayəndələrinin, eləcə də döyüş meydanı üçün avadanlıq yaradan onlarla startapın iştirak etdiyi ilk Müdafiə İnnovatorları Forumunda çıxış edib.

S.ELAY

XQ