Norveç hakimiyyəti Rusiya vətəndaşlarının ölkəyə girişinə əlavə məhdudiyyətlər tətbiq edib. Mayın 29-dan etibarən Skandinaviya ölkəsinə turizm və ya “vacib olmayan” məqsədlərlə gələn rusların girişinə icazə verilməyəcək. Yaxın qohumlarını ziyarət etmək və ya Norveçdə və ya Şengen bölgəsində işləmək və təhsil almaq üçün səyahət edən Rusiya vətəndaşları üçün istisna edilə bilər.
Norveç hökumətinin press-relizində qeyd edilir ki, məhdudiyyət həm Norveç tərəfindən 2022-ci ilin yazından əvvəl verilmiş vizalara, həm də digər Şengen ölkələri tərəfindən verilmiş vizalara şamil edilir. Qeyd olunur ki, bu qərar Norveçin Rusiya-Ukrayna münaqişəsinə görə məhdudiyyətlər tətbiq edən müttəfiq və tərəfdaşlarına dəstək vermək istəyi ilə bağlıdır.
Norveç 2022-ci ilin yazında rusların ölkəyə girişini məhdudlaşdırıb: ölkə Rusiya vətəndaşlarına turist vizalarının verilməsini demək olar ki, dayandırıb.
S.ELAY
XQ
