İraqın şimalında “Pənçə-Kilit” əməliyyatı bölgəsində 3 PKK terrorçusu zərərsizləşdirilib. Bu barədə martın 27-də Türkiyə Milli Müdafiə Nazirliyinin mətbuat xidməti məlumat yayıb. Xəbəri “Anadolu” verib.
Məlumatda Türkiyə Silahlı Qüvvələrinin terrora və terrorçulara qarşı mübarizəni davam etdirdiyini qeyd edib: “Əməliyyatlarımız əzm və qətiyyətlə davam edəcək”.
Xatırladaq ki, Prezident Rəcəb Tayyib Ərdoğan bildirib ki, PKK yaraqlılarının Türkiyədə ilk dəfə qanlı cinayət törətdiyi 1984-cü ildən 2020-ci ilin mart ayına qədər 7500 türk təhlükəsizlik qüvvəsi və 6800 dinc sakin bu qanlı təşkilatın əli ilə həlak olub.
ABŞ və Avropa Birliyi PKK-nı terror təşkilatları siyahısına daxil edib.
P.ƏMİRCANOV
XQ
