Avropa Komissiyasının vitse-prezidenti Valdis Dombrovskis bildirib ki, Ukrayna “Ukrayna Facility” proqramı çərçivəsində martın sonunadək 4,5 milyard avro məbləğində yardımın birinci tranşını alacaq, ikinci tranş isə 1,5 milyard avro həcmində olacaq. Bu barədə İnterfaks-Ukrayna xəbər verir.

TASS-ın məlumatına görə, Aİ-nin bu il Ukraynaya göndərməyi planlaşdırdığı hərbi yardımın həcmi, cənab Dombrovskisin sözlərinə görə, 21 milyard avrodur.

“İnterfaks-Ukrayna” xəbər verir ki, cənab Dombrovskis Ukraynanın Baş naziri Denis Şmıqalla birgə brifinq zamanı yardım tranşları barədə danışıb. AK rəhbərinin müavini onu da bildirib ki, Aİ artıq “Ukrayna Facility” mexanizmi üzərində işləri başa çatdırır.

Fevralın 1-də Avropa Şurası Ukraynaya 2024-2027-ci illər üçün 50 milyard avro dəyərində büdcə yardımı proqramını təsdiqləyib. Aİ yardım paketinə veto qoyulması ehtimalını aradan qaldıraraq, hər il məbləği nəzərdən keçirəcək və təsdiq edəcək.

Fevralın 24-də Avropa Komissiyasının rəhbəri Ursula Fon der Lyayen Aİ-nin mart ayında Ukraynaya 4,5 milyard avro məbləğində ilk yardım tranşını göndərəcəyini söyləyib. Fevralın 27-də Avropa Parlamenti dörd il ərzində Ukraynaya 50 milyard avro yardım ayırmasına səs verib.

Yanvarda Avropa diplomatiyasının rəhbəri Josep Borrell bildirmişdi ki, Aİ bu il Ukraynaya 21 milyard avro dəyərində silah verməyə ümid edir.

S.ELAY

XQ