Yomiuri: hakerlər Yaponiya Xarici İşlər Nazirliyinin diplomatik məlumat mübadiləsi şəbəkəsini sındırıblar
Yomiuri qəzeti bir neçə hökumət rəsmisinə istinadən xəbər verir ki, Çindən olan hakerlər 2020-ci ildə Yaponiya Xarici İşlər Nazirliyinin həssas diplomatik məlumat mübadiləsi şəbəkələrini sındırıblar.
2020-ci ildə ABŞ hökuməti Yaponiya hakimiyyətinə hakerlik təhlükələri barədə xəbərdarlıq etsə də, onlar buna qulaq asmayıblar. Haker hücumu nəticəsində irimiqyaslı informasiya sızması baş verib. Yaponiya tərəfi iri dövlət qurumlarının sistemlərini yoxlayır və nəşrin aydınlaşdırdığı kimi, “əks tədbirləri gücləndirməyə tələsir”.
2020-ci ilin yayında, Şinzo Abe Yaponiyanın baş naziri olarkən, ABŞ hökuməti Yaponiya rəsmilərinə "Çin Yaponiyanın xaricdəki diplomatik nümayəndəliklər şəbəkəsini izləyir" deyib. Yaponiyanın Pekindəki səfirliyi ilə Xarici İşlər Nazirliyinin qərargahı arasında mübadilə edilən ictimai teleqramlar sonda Çin səlahiyyətliləri tərəfindən ələ keçirilib.
2023-cü ilin avqust ayında "Vaşinqton Post" Çinin hərbi hakerlərinin Yaponiyanın gizli müdafiə infrastrukturunu sıradan çıxardığını bildirmişdi. Qəzetin məlumatına görə, hakerlərin hərəkətləri Amerika xüsusi xidmət orqanlarında o qədər narahatlıq yaradıb ki, NSA və kiber komandanlığın rəhbəri general Paul Nakasone Ağ Evin Milli Təhlükəsizlik müşaviri Metyu Pottinger ilə birlikdə təcili olaraq Tokioya uçublar və noyabr ayında Yaponiyanın müdafiə naziri ilə görüşüblər.
Amerikalı nümayəndələr Yaponiya tərəfinə ABŞ kəşfiyyatının Çinin sistemə nüfuz etməsini necə öyrəndiyini söyləməyiblər.
S.ELAY
XQ
