Qəzza zollağında öz peşə fəaliyyətini icra edərkən ölən KİV mənsublarının sayı artır. Anklav hökumətinin rəsmisi bildirib ki, regionda HƏMAS-İsrail eskalasiyası səbəbindən bugünə qədər 86 jurnalist həyatını itirib.
Ölənlər arasında zərif cinsin nümayəndələri də var. Belə ki, mənbənin “Teleqram” şəbəkəsində açıqladığı siyahıda 3 qadın jurnalistin adı və soyadı göstərilib.
Qeyd edək ki, ötən həftə Jurnalistlərin Beynəlxalq Müdafiə Komitəsi (JBMK) Qəzzada silahlı qarşıdurma başlanan gündən burada 63 KİV əməkdaşının həlak olması barədə məlumat yaymışdı.
XQ
