Hindistanın şimalında, Himaçal-Pradeş ştatının Kullu bölgəsində iki rus turistin - 37 yaşlı kişi və 21 yaşlı qızın cəsədi tapılıb. Bu barədə "The Times of India" yazır. Rusiyanın Yeni Dehlidəki səfirliyindən RİA Novosti-yə bildiriblər ki, turistlərin ölümündə zorakılıq olmayıb.

Nəşrin məlumatına görə, ölən Rusiya vətəndaşlarının adları Maksim Beletski və Anna Rantsevadır. Onların cəsədləri isti bulağın yanında, hər ikisinin mobil telefonları və pasportları yaxınlıqda tapılıb. Polis Annanın telefonunun səfirlik vasitəsilə Rusiyadakı ailəsinə göndərilməsinin lazım olduğu iddia edilən qeydi də tapıb. Polis “The Times of India” qəzetinə bildirib ki, onlar rusların ölümünün bütün versiyalarını, o cümlədən ikiqat intiharı nəzərdən keçirirlər. Dəqiq səbəblər ekspertizadan sonra məlum olacaq.

Rusiyanın Hindistandakı səfirliyi qeyd edir ki, yerli təhlükəsizlik qüvvələri rusiyalı turistlərin cəsədlərinin tapılması ilə bağlı diplomatlarla “sıx təmasdadır”.

XQ