Yaponiyanın baş naziri Fumio Kişida San-Fransiskoda keçirilən ATER sammitində Çin prezidenti Si Cinpin ilə görüşüb.
Yaponiyanın Kyodo agentliyi xəbər verir ki, Kişida “sabit və konstruktiv” Yapon-Çin münasibətləri qurmağa çağırıb, həmçinin Yapon dəniz məhsullarına embarqonun qaldırılmasını və mübahisəli ərazilər yaxınlığında Çin tədqiqat avadanlıqlarının çıxarılmasını tələb edib.
"Gələcək nəsillər naminə biz Yaponiya-Çin münasibətləri üçün daha parlaq bir gələcək açmalıyıq və mən bunu birlikdə etmək istəyirəm" Kişida vurğulayıb.
Öz növbəsində Si Cinpinq qeyd edib ki, əməkdaşlıq qarşılıqlı faydalı olmalı və “yeni dövrə uyğun olmalıdır”. O vurğulayıb ki, tərəflər öz xalqlarının ümumi maraqları naminə "müxtəliflikləri düzgün həll etməlidirlər".
XQ
