ABŞ-ın Vanderbilt Universitetinin tədqiqatçıları insan beyninin sol yarımkürəsindəki ağ maddədən qəribə siqnalların gəldiyini üzə çıxarıblar. Bu siqnalların təbiəti, hələlik, naməlum qalır.
Bu vaxta qədər elmi tədqiqatlarda bir qayda olaraq beynin boz maddəsinə diqqət yetirilirdi. Çünki oradakı sinir hüceyrələri insanın danışıq, qavrama, hiss və hərəkət qabiliyyəti ilə bağlıdır. Ağ maddə isə özlüyündə birləşdirici material sayılıb. O, aksion adlanan strukturlardan ibarətdir ki, onlar beyin hüceyrələrinin həm bir-biri ilə, həm də digər hissələrlə bağlantısına cavab verir.
Ağ maddənin siqnalları xeyli zəif və çətin aşkar ediləndir. Yeni tədqiqatın müəllifləri bu məsələni daha ətraflı öyrənmək qərarına gəliblər. Bundan ötrü alimlər bir qrup könüllüdən konkret hərəkətləri yerinə yetirməyi xahiş ediblər. Əldə edilən nəticə bütün gözləntiləri arxada qoyub.
İ.HƏSƏNQALA
XQ