Astronomlar kainatın təkamül prosesini araşdırmaq üçün ən böyük kompüter simulyasiyalarından istifadə ediblər. Flamingo adı verilən layihə kainatın bütün komponentlərini – qaranlıq maddə və qaranlıq enerjini özündə birləşdirir. Bütün bu proseslər fizika qanunlarına uyğun olaraq hesablanıb.
Layihə çərçivəsində Avropa Kosmik Agentliyi (ESA) tərəfindən kainata buraxılmış Evklid Kosmik Teleskopu və NASA-nın Ceyms Uebb Kosmik Teleskopu kimi qurğular qalaktikalar, kvazarlar və ulduzlar haqqında məlumatlar toplayır.
Tədqiqatçılar ümid edirlər ki, simulyasiyalar onlara kainatı yenidən kəşf etməyə imkan verəcək.
Qeyd edək ki, layihə Avropa Tədqiqat Şurası, Böyük Britaniyanın Elm və Texnologiya Obyektləri Şurası, Hollandiya Elmi Tədqiqatlar Təşkilatı və İsveçrə Milli Elm Fondunun dəstəyi ilə həyata keçirilir. Araşdırma ilə bağlı yazı Kral Astronomiya Cəmiyyətinin “Monthly Notices” jurnalında da dərc olunub.
F.YAQUBLU
XQ
