Ankara və Düşənbə baş vermiş zəlzələnin nəticələrinin aradan qaldırılması məqsədilə Əfqanıstana yardım göstərməyə başlayıblar,
Bu barədə TASS-a Əfqanıstanın Moskvadakı səfirliyindən məlumat verilib.
Qeyd olunub ki, müxtəlif ölkələrdən Əfqanıstana yardımlar edilir. Kabil yardım göstərilməsi ilə bağlı hələlik Moskvaya müraciət etməyib.
Xatırladaq ki, oktyabrın 7-də Əfqanıstanda 6,2 bal gücündə zəlzələ baş verib. Təbii fəlakətin episentri 272 min nəfərin yaşadığı Heratdan 42 km şimal-qərbdə olub. Bildirilib ki, 2,4 mindən çox sakin həlak olub, ən azı 2 min nəfər yaralanıb.
Rizvan FİKRƏTOĞLU
XQ