Rusiyanın Aya su mənbəyi axtarmaq üçün göndərdiyi “Luna-25” kosmik gəmisində elmi cihazlar işə düşüb və Yerə ilk məlumat ötürüb. Federal Kosmik Agentliyinin (Roskosmos) verdiyi açıqlamada ölkənin 1976-cı ildən sonra Aya göndərdiyi ilk kosmik gəmi olan “Luna-25”də bütün sistemlərin normal işlədiyi qeyd edilib.
“Luna-25” avqustun 11-də Moskvadan 5 min 500 kilometr şərqdə yerləşən “Vostoçnıy” kosmodromundan “Soyuz 2.1b” raketi ilə Aya buraxılıb. Təxminən, 1 il müddətində “Luna-25” şüaların və elektromaqnit emissiyalarının Ay səthinə təsirini araşdırmaqla yanaşı, su tapmaq üçün axtarışları da davam etdirəcək.
Leyla İLKİNQIZI,
tələbə-jurnalist