NASA komandası “Voyager-2”nin daşıyıcı tezliyi (yüksək tezlikli siqnal) ilə bağlı siqnal alıb.
Ekspertlərin fikrincə, bu, cihazın normal fəaliyyətini davam etdirməsi deməkdir. Əvvəllər onunla əlaqə kəsilmiş – səhv əmrlər səbəbindən zondun antenaları Yerə yönəlik əlaqəni itirmişdi. Buna baxmayaraq idarəetmə mərkəzi ümidli idi. Oktyabrın ortalarında zondun sistemləri yenidən işə salınacaq. Bununla da rabitənin bərpa olunacağı gözlənilir.
“Voyager -2”, Günəş sisteminin uzaq planetlərini araşdırmaq üçün NASA tərəfindən 20 avqust 1977-ci ildə “Voyager” proqramının bir hissəsi olaraq buraxılıb. Günəşdən ən uzun məsafəyə (demək olar ki, 20 milyard kilometr) uzaqlaşmış aparatlardan biridir. Onun enerji ehtiyatlarının daha bir neçə ilə kifayət edəcəyi bildirilir. Bu aparat Yupiter, Saturn, Uranı ziyarət etmiş tək kosmik aparatdır.
P.ƏFƏNDİ, “Xalq qəzeti”