2011-ci ilin payızında nominal dəyəri bir milyon Avstraliya dolları olan yeni sikkənin təqdimatı keçirilib.
İri monet 99,99 faiz saf qızıldan hazırlanıb. Diametri 80, qalınlığı 12 santimetr, çəkisi isə 1 tondur. Beləliklə, o hazırda dünyanın ən bahalı sikkəsi sayılır. Qızıl pula “1 Tonne Gold Kangaroo Coin” adı verilib. Sikkənin real dəyəri isə buraxılış zamanı 57,34 milyon ABŞ dolları qiymətləndirilib.
Bu sikkəni yaratmaq üçün, təxminən, 18 ay sərf edilib. Dizaynını isə Böyük Britaniya kraliçasının rəsmi zərgəri Stüart Devlin hazırlayıb. Üz tərəfini Kraliça II Yelizavetanın profili bəzəyir, arxa tərəfində isə günəş fonunda qızılı kenquru təsviri var.
P.ƏFƏNDİ, “Xalq qəzeti”
.jfif)
