Fransız qrafik, boyakar və heykəltəraş, XIX əsrin ən böyük siyasi karikatura ustalarından olan Onore Viktoryen Domye 1808-ci ildə Marsel şəhərində anadan olub. Domyenin siyasi karikatura ustası kimi formalaşmasında 1830- cu il inqilabının böyük təsiri olub. Və o, yüzlərlə sənət əsəri hazırlamışdır. Ərsəyə gətirdiyi dünyaca məşhur əsərlərindən biri də “Qarqantura” satirik tablosudur..
Əsərdə monoton–ağ və qara rənglərdən böyük ustalıqla istifadə olunub. Kompozisiya isə aydınlığı ilə fərqlənir.Rəssamın həbsinə səbəb olan bu karikaturada Fransa kralı Lui Filippin acgöz və bədheybət biri kimi təsvir edildiyinin şahidi oluruq. Tanınmış karikaturaçı və nəzəriyyəçisi Boris Yefimovun sözlərinə görə, rəssam öz yaradıcılığı ilə humanizm, tərəqqi və demokratiya uğrunda durmadan mübarizə aparıb. Onun əsərləri bu gün də mübarizdir və bizimlədir.
Leyla HADI,
tələbə-jurnalist
.jpg)