Alimlər Yerin Günəş tərəfindən ən intensiv işıqlandırıldığı ərazini müəyyən ediblər. Bu yer hətta Venera planetinə bənzəyir.
Araşdırmalara görə, Yer kürəsinin ən günəşli nöqtəsi Çilinin şimalındakı Atakama səhrasında yerləşən Çinantor yaylasıdır. Dəniz səviyyəsindən 4800 metr yüksəklikdə yerləşdiyinə görə buludlar və yağışlar çox azdır. Venera Günəşə ən yaxın planetdir. Çinantorun Veneraya bənzədilməsinin səbəbi burada da ultrabənövşəyi radiasiyanın həddən artıq olmasıdır. Yaylada orta hesabla Günəş radiasiyası hər kvadratmetrə təxminən 308 vatt düşür ki, bu da Yer üçün rekord göstəricidir.
Qeyd edək ki, Atakama səhrası dünyanın ən sıx məskunlaşdığı səhralardan biridir. Burada insanlar mədənlərdə işləyir və mis çıxarırlar. Günəşin Yeri bu qədər işıqlandırması isə orada yaşayan insanlarda dəri xərçəngi kimi xəstəliklərə səbəb ola bilər.
Aytən NƏCƏFOVA, “Xalq qəzeti”
.jpg)