Suriyanın paytaxtı Dəməşqin cənubunda bomba yerləşdirilmiş motosikletin partladılması nəticəsində 6 nəfər ölüb, daha 23 nəfər yaralanıb.
Dəməşq rəhbərliyinin rəsmi xəbər agentliyi olan SANA-nın Daxili İşlər Nazirliyinə istinadla verdiyi xəbərə görə, iyulun 27-də axşam saatlarında Dəməşqin Seyyid Zeynəb bölgəsində motosikletə yerləşdirilən bomba partladılıb.
Partlayış nəticəsində 6 nəfərin öldüyü, 23 nəfərin yaralandığı bildirilib.
Hələlik heç kim partlayışa görə məsuliyyəti üzərinə götürməyib.
Anar ƏLİ,
“Xalq qəzeti”
