Texnologiya sənayesindəki yeniliyi ilə tanınan “Apple” hələ rəqibləri kimi qatlana bilən smartfon təqdim etməyib. Lakin şirkət ilk dəfə “rulon formasında” “iPhone” hazırlamağı planlaşdırır.
“iPhone” yuvarlananda ekran silindr şəklini alacaq. Telefonun daxili hissəsindəki örtüklər polimid, xarici təbəqə isə polimer materialdan hazırlanacaq. Patenti alınmış məhsulun dizaynında ekranı cızıqlardan və digər zədələrdən qorumaq üçün şüşə örtüklə yanaşı, ləkə, duman və əksetdirmə əleyhinə antistatik təbəqə də olacaq.
Digər tərəfdən, məhsulun faktiki satışa çıxarılmasına zəmanət verilməsə də, 2024-cü ildən sonra hazırlanması proqnozlaşdırılır. Şirkətin məqsədi mobil cihazların görünüşlərini istənilən şəkildə formalaşdırmaqdır.
Əfsanə ƏHƏDLİ, “Xalq qəzeti”
.jpg)
