Alimlər xəbərdarlıq edirlər ki, Afrikadan keçən nəhəng çatlar qitəni ikiyə bölərək yeni dəniz yaradacaq.
Bu hadisə cənub-şərq sahilləri boyunca Efiopiyadan Mozambikə qədər yeni dənizin yaranmasına səbəb olacaq.
Şərqi Afrika Rifti kimi tanınan və 22 milyon ildən artıqdır ki, mövcud olan bu çatlar son onilliklərdə aktiv olub.
Qeyd edək ki, 2005-ci ildə Efiopiya yaxınlığında, 2018-ci ildə isə Keniyada güclü leysan yağışlarından sonra 35 mil uzunluğunda çat meydana gəlmişdi.
Elm adamları, həmçinin iki tektonik plitənin - şərqdə Somali və qərbdə Nubiyanın bir-birindən uzaqlaşdığını proqnozlaşdırırlar.
F. HÜQUQQIZI, “Xalq qəzeti”
.jpg)
