“WhatsApp” yenə də öz yenilikləri ilə bizi təəccübləndirməkdə davam edir.
“WABetaInfo”nun xəbərinə görə, WhatsApp-ın 2.23.13.11 beta versiyasında sınaqdan keçirilmiş funksiyası açıqlanıb.
Bunun sayəsində istifadəçilər fərdi və qrup söhbətlərində mesajın müddətini təyin edə və nə qədər müddətə “pin” də qalacağına qərar verə biləcəklər. (“Pin” whatsAppda mesajların saxlandığı xüsusi yeri göstərir).
Sözügedən özəllik haqqında skrinşot da paylaşılıb. Ekran görüntüsündə 3 fərqli seçim görünür: 24 saat, 7 gün və 30 gün.
Qeyd edək ki, vaxtı keçmiş mesaj “pin”dən avtomatik silinəcək.
F. SALMANOVA, “Xalq qəzeti”
