İlon Maska məxsus “SpaceX” şirkəti “Starlink” bölməsi üçün 14 yaşlı Kairan Quazi adlı tələbəni işə götürüb. O, burada proqram mühəndisi kimi çalışacaq. Yeniyetmə yaşda olan mütəxəssis bu ay Kaliforniyadakı Santa Clara Universitetini bitirəcək.
Qeyd edək ki, bu, “SpaceX”in ən son işə qəbul etdiyi “texniki cəhətdən çətin” və “əyləncəli” müsahibə prosesindən keçmiş bir proqram mühəndisidir. Kairan Quazini fərqli edən yaşının az olmasıdır.
ABŞ mətbuatında çıxan xəbərlərə görə, onun İQ səviyyəsi dünya əhalisinin 99,9 faizi ilə müqayisədə yüksəkdir, eyni zamanda EQ (emosional intellekt) baxımından da məxsusi yer tutur.
Gənc mühəndis Vaşinqtonda “SpaceX”də işə başlamaq üçün Kaliforniyanın Pleasanton şəhərindən köçməyi planlaşdırır.
Səadət RZAYEVA, “Xalq qəzeti”