Cənubi Koreyada ilk dəfə bir robot konsertdə orkestrə rəhbərlik edəcək. “Ever 6” adlanan robotun paytaxt Seulda keçiriləcək “Absence” şousunu idarə edəcəyi açıqlanıb. Bu barədə “The Korea Times” nəşri məlumat yayıb.
İyunun 30-da keçiriləcək tədbirdə Koreya Sənaye Texnologiyaları İnstitutu tərəfindən hazırlanmış robot dirijor qismində çıxış edəcək. Konsertdə robot və dirijor Çoi Soo Yeol ayrı-ayrılıqda çıxış edəcək, daha sonra isə iki dirijor konserti birlikdə idarə edəcəklər.
Çoi, robotlar üçün ən böyük problemin qarşılıqlı əlaqə və ünsiyyət olduğunu, bu şou vasitəsilə insanların musiqi sahəsində robot texnologiyalarından üstünlüyünü göstərmək istədiyini bildirib.
Qeyd edək ki, android robotun xarici görünüşü insana bənzəyir. Robot boynunu və qolunu çevik şəkildə istifadə edə bilir.