Son dövrün gündəmdən düşməyən sosial media tətbiqlərindən biri, şübhəsiz ki, “Twitter”dir. İlon Mask tərəfindən satın alındıqdan sonra, demək olar ki, dəyişən platformaya yeni rəqib hazırlanıb. Xəbəri “reuters.com” saytı verib.
“Layihə 92” kod adlı sosial media platforması ilk dəfə “Meta” şirkətinin daxili iclasında nümayiş etdirilib. “Twitter”ə bənzəyən yeni platforma, “Instagram”a əsaslanacaq və media protokolu “ActivityPub” tərəfindən dəstəklənəcək.
Hazırda tətbiqin adı dəqiq məlum deyil. Lakin, “Threads” olacağı iddia edilir. Bundan əlavə, bəzi məşhurların proqramın inkişaf prosesində ilk istifadəçilərdən olduğu bildirilir.
Qeyd edək ki, “Meta” şirkəti platformanı ən qısa zamanda geniş ictimaiyyətə təqdim edəcək.
Əfsanə ƏHƏDLİ, “Xalq qəzeti”
-copy.jpg)
