“WhatsApp” son zamanlar mesajların redaktəsi və istifadəçi adı kimi bir sıra yeni funksiyalarla insanların maraq dairəsindədir. Bu dəfə isə şirkət Rusiyada yeni cərimə ilə gündəmə gəlib. Xəbəri “tass.ru” saytı verib.
Rusiyanın paytaxtı Moskvada məhkəmədə baxılan iddiada “WhatsApp” vasitəsi ilə qeyri-qanuni yolla antidepresan satıldığı müəyyən edilib. Rusiyanın müvafiq qurumlarının tələbinə baxmayaraq şirkət qadağan olunmuş məzmunlu söhbət qrupunu silməyib. Buna görə, məhkəmə şirkətin qanunvericiliyə əməl etmədiyinə qərar verib və “WhatsApp”ı 3 milyon rubl (təxminən 37 min dollar) cərimələyib.
Qeyd edək ki, “WhatsApp” Rusiyada ilk dəfə qadağan olunmuş məzmunu silmədiyi üçün cərimələnib.
Əfsanə ƏHƏDLİ, “Xalq qəzeti”
