Marsın, təqribən, Fransa ərazisi boyda bir sahəsində buzlaq olduğu aşkar edilib. Alimlər bu buzlağın Qrelandiya adasını örtən buzlaqların yarısı və Antarktikadakı buzlaqların 4 faizi qədər olduğunu bildirirlər.
Geofizika mütəxəssisi Mariya Zuber Mars buzlarının əridiləcəyi təqdirdə 1,2-1,7 milyon kubmetr həcmdə su əldə ediləcəyini və bunun ABŞ-ın ərazisinin 70 faizini 30 metr su altında qoya biləcəyini bildirmişdi. Digər mütəxəssislər isə su ehtiyatının daha az olduğunu deyirlər. Mars suyunun Yerdəki bir okeanı doldura biləcək həcmdən 10 dəfə az olduğunu bildirirlər. Mütəxəssizlərin fikrincə, həm də suyun tərkibi bizim planetin suyundan fərqlidir.
Hesablamalara görə, ehtimal olunan bir asteroidin açdığı kraterdə yerləşən buzlağın genişliyi 1207, qalınlığı isə 2,9 kilometrdir. Buzlaqda bir çox təpə və çökəkliklər var. Həmin çökəkliklərdən birinin hətta ABŞ-ın “Grand Canyon” vadisindən daha dərin olduğu qeyd edilir.
Pünhan ŞÖVKƏTOĞLU, “Xalq qəzeti”
.jpeg)
