Moldova 2030-cu ilə qədər Dnestryanı bölgə ilə birlikdə Avropa İttifaqına qəbul edilə bilər. Moldova Prezidenti Mayya Sandu bunu Bloomberg agentliyinə müsahibəsində deyib. “Biz həyat səviyyəsini nə qədər tez yüksəltsək, bir o qədər birləşmək şansımız olacaq... Bu, bizim məqsədimizdir”, - deyə o bildirib.
Mayın 28-də Prezident Mayya Sandunun təşəbbüsü ilə ölkədə Avropa İttifaqına inteqrasiya istəyinin nümayiş olunduğu “Avropa Moldovası” şüarı altında mitinq keçirilib.
Avropa İttifaqına üzv ölkələrin dövlət və hökumət başçılarının 2022-ci il iyunun 23-də Brüsseldə keçirilən sammitində Ukrayna və Moldovaya Aİ-yə üzvlük üçün namizəd statusu verilib. Kişineu üzvlüklə bağlı danışıqlara başlamaq üçün islahatlar aparmalı və Dnestryanı problemin həlli də daxil olmaqla, bir sıra şərtləri yerinə yetirməlidir.
“Xalq qəzeti”
