Birləşmiş Ərəb Əmirlikləri ABŞ ilə birlikdə “Dəmir Birliyi 19” adlı birgə hərbi təlimə başlayıb. Bu barədə “Reyters” agentliyi məlumat yayıb. 
Xəbərdə deyilir ki,  hərbi təlimdə BƏƏ və ABŞ quru qüvvələrinin şəxsi heyəti iştirak edir. Birgə hərbi təlimin hər iki ölkənin qarşılıqlı müdafiə əlaqələrini gücləndirmək və müharibə vəziyyətlərində səmərəliliyi artırmaq üçün təcrübə mübadiləsi aparmaq məqsədi daşıdığı bildirilib.
Qeyd etmək lazımdır ki, BƏƏ və ABŞ arasında hərbi əlaqələri gücləndirmək üçün tez-tez təlimlər keçirilir. ABŞ-ın BƏƏ-də üç hərbi bazası var. Birləşmiş Ştatların hazırda əksər ərəb ölkələrində hərbi bazaları mövcuddur. 
Sonda bildirək ki. ABŞ-ın keçmiş prezidenti Donald Trampdan fərqli olaraq, Ağ evin hazırkı sahibi Co Baydenin administrasiyası yaxın-uzaq qitə və ölkələrdə fəal xarici siyasət kursu həyata keçirir. Son vaxtlar ABŞ hökumətinin Yaxın Şərq regionunda  diplomatik fəallığı da müşahidə olunur.