Fevralın 6-da baş verən zəlzələlər Türkiyə iqtisadiyyatına 84 milyard dollardan çox ziyan vurub.

Bu barədə "Bloomberg" Türkiyə Sahibkarlar Konfederasiyasının və işgüzar dairələrin nümayəndələrinin hesablamalarına istinadən məlumat yayıb. 

“Türkiyədə 24 mindən çox insanın (son məlumatlara görə 29,6 mindən çox) həyatına son qoyan iki güclü zəlzələnin milli iqtisadiyyat üçün dollardan çox itkiyə səbəb olacağı gözlənilir. 84 milyard və ya ÜDM-in təxminən 10%-ni təşkil edir”, - konfederasiyanın hesablamalarında belə yazılır.

Qurumun hesablamalarına görə, yaşayış binalarına dəyən ziyan 70,8 milyard dollar təşkil edib. 

Bundan başqa, zəlzələlərin nəticələri ölkə büdcəsinin gəlirlərinin 10,4 milyard dollar azalmasına səbəb olacaq.

Daha 2,9 milyard dollar isə Türkiyə iqtisadiyyatına əmək itkisi ilə başa gələcək.

Konfederasiyanın hesablamaları digər iqtisadçıların hesablamalarından daha yüksəkdir. Bir çox ekspertlər təbii fəlakətin nəticələrinin yekun nəticələrini ümumiləşdirməyin tez olduğu qənaətindədirlər.

"Xalq qəzeti"