Ən qədim əjdaha ağacı fillərə hücum edən zalım əjdahadan bəhs edən əfsanə sayəsində məşhurlaşıb.
Yəmən yaxınlığında yaşayan əjdaha o qədər acgöz olub ki, bir gün gördüyü ən böyük filə hücum etmək qərarına gəlib. Fil məğlub olsa da, əjdahanın üstünə yıxılaraq onu da ölümcül əzib. Nəhəng heyvanların qanı qarışıb və ağacın bitdiyi torpağa hopub.
Bu qədim ağacın yaşı 7 min ildən çoxdur. Onun şirəsi yerli əhalinin qanla əlaqələndirdiyi xarakterik qırmızı rəngdədir. Tenerife adasındakı bu ağac ərazinin rəmzi elan edilib.