2024-2025-ci tədris ilinin başlanması Göygöl rayonunda keçirilən yaddaqalan tədbirlərlə əlamətdar olub. 

Rayon icra hakimiyyətinin başçısı El­vin Paşayev, aparatın məsul əməkdaşları məktəblərə gedərək, “Bilik Günü” müna­sibəti ilə müəllim və şagird kollektivlərini təbrik edib, təhsilə göstərilən yüksək dövlət qayğısından, bu sahədə həyata keçirilən is­lahatlardan və qazanılan uğurlardan danı­şıblar.

Qeyd edək ki, bu il Göygöl rayonu üzrə 1-ci siniflərə 811, məktəbəhazırlıq qrupla­rına isə 632 uşaq qəbul olunub və ümumi şagird sayı 10 min 636 nəfər təşkil edir. Göygöl Peşə məktəbində isə 20 qrupda 336 nəfər tələbə təhsilə və təlimə cəlb olunub.

***

Şəmkir rayonunun ümumtəhsil müəs­sisələrində yeni tədris ili ilk zəngin həyə­canlı sədaları ilə başlanıb. Mərasimlərdə rayon rəsmiləri, ziyalılar, valideynlər işti­rak ediblər. 

Bildirilib ki, əsası ulu öndər Heydər Əliyev tərəfindən qoyulmuş təhsil islahat­ları bu gün Prezident İlham Əliyevin rəh­bərliyi ilə uğurla davam etdirilir, ölkəmiz­də, o cümlədən Şəmkir rayonunda müasir tələblərə tam cavab verən yeni təhsil müəs­sisələri yaradılır, tədrisin keyfiyyəti ilbəil yaxşılaşır. 

Mərasimlərdə ibtidai sinif şagirdlərinin ifasında musiqilər, səhnəciklər təqdim olu­nub. 

***

“15 sentyabr Bilik Günü” münasibətilə Samux rayonunun ümumtəhsil məktəblə­rində də mərasimlər yüksək əhval-ruhiyyə­də keçib. 

Rayon icra hakimiyyətinin başçısı Fir­dovsi Əliyev Samux şəhər 1 və 2 saylı tam orta məktəblərdə olub, yeni təhsil ilində məktəblilərə və müəllimlərə uğurlar arzula­yıb. Digər məktəblərdə müəllim və şagird­lərin sevincinə şərik olan rayon rəsmiləri, ziyalılar yeni tədris ilinin başlanması mü­nasibətilə onları təbrik edib, rayonda təhsilə göstərilən yüksək dövlət qayğısından və bu sahədə həyata keçirilən islahatlardan da­nışıb və inam ifadə ediblər ki, yeni “bilik marafonu” da uğurlu olacaq. 

Hamlet QASIMOV,
XQ-nin bölgə müxbiri