Dövlət İmtahan Mərkəzi (DİM) tərəfindən fevral ayında göstərilmiş xidmətlərin statistikası açıqlanıb.
DİM-dən bildirilib ki, fevral ayında keçirilmiş imtahanlarda 25 min 946 nəfər iştirak edib. Mərkəzin elektron xidmətlərindən istifadə sayı 1 milyon 357 min 153 olub. Fevral ayı ərzində 2343 vətəndaş qəbul edilib. Beynəlxalq imtahanlarda 63 nəfər iştirak edib. Çağrı Mərkəzi vasitəsilə 8972, elektron poçt vasitəsilə 1600-ə yaxın, sosial şəbəkələr vasitəsilə 1500-ə yaxın müraciət cavablandırılıb. Çatbota daxilolma sayı 8485 olub. Abituriyent məsləhət mərkəzlərinə 475 müraciət daxil olub.
