İşğaldan azad edilmiş ərazilərdə idxal-ixrac məhsullarına nəzarətin təşkili məqsədilə müasir tələblərə cavab verən qida təhlükəsizliyinə nəzarət məntəqəsinin və yeni regional (ilkin mərhələdə modul tipli) laboratoriyaların yaradılması istiqamətində işlər davam etdirilir.
Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsindən XQ-yə bildirilib ki, müasir (stasionar, modul və ya mobil tipli olmaqla) heyvan kəsimi məntəqələrinin yaradılması istiqamətində görülən tədbirlər çərçivəsində Zəngilan rayonunda 1 heyvan kəsimi məntəqəsi tikilib, məntəqəyə AQTA tərəfindən baxış keçirilib və qeydiyyata alınıb. Eyni zamanda, Şuşa, Cəbrayıl, Füzuli, Ağdərə (Talış kəndi), Suqovuşan qəsəbəsi və Zəngilan rayonunun Ağalı kəndində ilkin olaraq çadır tipli kəsim məntəqələri quraşdırılıb.
.jpeg)
