Azərbaycan Tibb Universitetinin uşaq stomatologiyası kafedrasının assistenti, tibb üzrə fəlsəfə doktoru Sevinc Nağıyeva Orhun mübadilə proqramı çərçivəsində Türkiyənin İzmir şəhərindəki Egey Universitetinin pedodontiya kafedrasında akademik fəaliyyət göstərib.
İki həftə davam edən tədris mübadiləsi prosesi zamanı S.Nağıyeva rezident və tələbələrə mühazirə oxuyub, seminar dərsləri aparıb. Səfər müddətində soydaşımız Egey Universitetinin diş həkimliyi fakültəsinin dekanı, professor Nazan Ersin, pedodontiya kafedrasının müdiri, professor Dilşah Çoğulu və kafedranın akademik heyəti ilə görüşüb. Stomatologiyada yeniliklər barədə ətraflı fikir mübadiləsi aparıb.
Zərifə BƏŞİRQIZI
XQ
