Azərbaycan Dillər Universitetinin nəzdində fəaliyyət göstərən Konfutsi İnstitutunun təşkilatçılığı ilə Çinin ənənəvi “Təmiz aləm bayramı” qeyd olunub.
Toplantıda Konfutsi İnstitutunun direktoru Rafiq Abbasov baharın gəlişini və həlak olmuş qəhrəmanların xatirəsini simvolizə edən bayramın tarixi haqqında danışıb.
Çin dili müəllimi Cavida Əliyeva bayramın ənənələri, ifa və rəqsləri, idman yarışları, ilanvari kağız uçurmalarının müşayiəti altında şəhərkənarı gəzintilər və yazda torpaq işlərinin aparılması barədə məlumat verib. Digər natiqlər bu bayramın çinlilər üçün əcdadlara hörmət ifadə etdiyini və nəsillər arasında əlaqə yaratmağa dəstək olduğunu bildiriblər.
Çinlilərin bayramı buxarda bişirilən “baozi” kökələrlə bəzənmiş ailəvi nahar süfrəsi ətrafında qeyd etdikləri haqqında da məlumat verilib.
XQ
