Mərkəzi Gömrük Hospitalında “Korrupsiyaya qarşı mübarizə” mövzusunda tədbir keçirilib.
XQ-yə verilən məlumata görə, tədbirdə Tibbi Xidmət İdarəsinin rəis müavini Şahlar Mirqasım korrupsiyaya şərait yaradan halların qarşısının alınması istiqamətində görüləcək tədbirlər, korrupsiya əməllərinə görə tətbiq edilən məsuliyyət tədbirləri, korrupsiyaya şərait yaradan amillər, maraqların toqquşması, məlumat təhlükəsizliyi, korrupsiyanın tibb sahəsinə göstərdiyi neqativ təsirlər haqqında ətraflı məlumat verib. Mərkəzi Gömrük Hospitalının rəisi Bəxtiyar Musayev isə korrupsiyaya qarşı mübarizə çərçivəsində Hospitalın fəaliyyətinin şəffaf və uğurlu təşkili istiqamətində həyata keçirilmiş işlər, korrupsiya hüquqpozmalarına qarşı ciddi və səmərəli mübarizə üsulları, eləcə də qarşıda duran tədbirlərdən danışıb.
Tədbirin sonunda iştirakçıları maraqlandıran suallar ətraflı cavablandırılıb.
