“LAAD 2025” Müdafiə və Təhlükəsizlik Sərgisində iştirak etmək məqsədilə Braziliya Federativ Respublikasında səfərdə olan müdafiə sənayesi nazirinin müavini Hidayət Əzimov aprelin 2-də Rio-de-Janeyro şəhərində ölkəmizin adını daşıyan bələdiyyə məktəbini ziyarət edib.
Nazir müavini məktəbin pedaqoji heyəti və şagirdlərlə tanış olub. O, Braziliyada Azərbaycanın adını daşıyan məktəbin fəaliyyətinin iki ölkə arasında əlaqələrin inkişafına və təhsil sahəsində davamlı əməkdaşlığa töhfəsindən danışıb.
Sonda məktəbin kollektivi ilə xatirə fotosu çəkdirilib.
Qeyd edək ki, Rio-de-Janeyro şəhərində Azərbaycanın adını daşıyan bələdiyyə məktəbi 2016-cı ilin mart ayında fəaliyyətə başlayıb. Azərbaycan Respublikasının adının məktəbə verilməsi qanununun müəllifi isə Rio-de-Janeyro şəhər bələdiyyəsinin üzvü olan Joao Rikardo Ribasdır.
.jpg)