BDU-da “Xocalı soyqırımı – XX əsrin ən dəhşətli faciəsi” adlı foto və kitab sərgisi

Bakı Dövlət Universitetinin Elmi Kitabxanasının təşkilatçılığı ilə Xocalı soyqırımının 33-cü ildönümünə həsr olunmuş “Xocalı soyqırımı - XX əsrin ən dəhşətli faciəsi” adlı foto və kitab sərgisi açılıb.

BDU-nun İctimaiyyətlə əlaqələr və informasiya şöbəsindən XQ-ə verilən məlumata görə, sərgidə Xocalı faciəsinin dəhşətlərindən bəhs edən, Ermənistanın hərbi-siyasi cinayətləri, həyata keçirdiyi işğalçılıq siyasətini tarixi faktlarla sübuta yetirən 50-yə yaxın nəşr nümayiş olunur. Sərgidə həmçinin Xocalı ağrısını özündə əks etdirən 30-dək tarixi fotoşəkil də təqdim olunur.

Xocalıda baş verənlərin xatırlanması, yaddaşların təzələnməsi məqsədi daşıyan sərgi həftənin sonunadək ziyarətçilərin üzünə açıq olacaq.