Qaradağ və Nizami rayonlarında oğurluqda şübhəli bilinən 2 nəfər polis əməkdaşları tərəfindən saxlanılıb. Məlumatı DİN mətbuat xidməti verib.
Qaradağ RPİ 10-cu Polis Şöbəsinin əməkdaşları Lökbatan qəsəbəsi ərazisində bir qadının 2500 manat dəyərində mobil telefonunu oğurlamaqda şübhəli bilinən 33 yaşlı A.Babayevi, Nizami rayonu ərazisində isə 24-cü Polis Şöbəsinin əməkdaşları bir nəfərin mobil telefonunu oğurlamaqda şübhəli bilinən 42 yaşlı M.Bağırovu saxlayıblar. Ondan metamfetamin aşkar olunaraq götürülüb.
Sabunçu RPİ 15-ci Polis Bölməsi əməkdaşlarının keçirdikləri tədbirlərlə Kürdəxanı qəsəbəsi ərazisində yerləşən evlərin birindən 1700 manat dəyərində məişət əşyaları və təmir alətləri oğurlamaqda şübhəli bilinən, əvvəllər də eyni əmələ görə məhkum olunmuş 30 yaşlı V.Allahyarov müəyyən olunaraq saxlanılıb.
Faktla bağlı araşdırma aparılır.
P.ƏMİRCANOV
XQ
.jpg)
