Sıralarında tanınmış ziyalıları birləşdirən Türk Ağsaqqalları İctimai Birliyi - TAİB  bu dəfə daha bir məşhur şəxsi üzvlüyə qəbul edib. Belə ki, Xüsusi Dövlət Mühafizə Xidmətinin (XDMX) sabiq rəis müavini, təqaüddə olab general-mayor Cəbrayıl Usubov bu gün TAİB-in mərkəzi ofisinə gələrək üzvlük ərizəsini təşkilatın sədri, akademik Südeyif İmamverdiyevə təqdim edib.

General C.Usubov bildirib ki, TAİB-in fəaliyyətini diqqətlə izləyib, ağsaqqalların cəmiyyətdə baş verən proseslərdə, aktual məsələlərin və problemlərin həllində, o cümlədən gənclərin vətənpərvərlik ruhunda yetişməsini hədəfləyən maarifləndirmə işlərində əməyini yüksək qiymətləndirir.

Öz növbəsində Südeyif İmamverdiyev qeyd edib ki, Cəbrayıl Usubovun təşkilata üzv qəbul olunması  TAİB-in fəaliyyətinə töhfələr verəcək.

Görüşdə TAİB-in yeni üzvü ilə gələcəkdə görüləcək işlər barədə geniş fikir mübadiləsi aparılıb.

S.İmamverdiyev qarşıdakı dövrdə general Cəbrayıl Usubovu TAİB-in rəhbər vəzifələrində görməyi arzuladığını da vurğulayıb.