Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin mütəxəssisləri tərəfindən bu ilin birinci yarısında 187 repatriantla sosial reabilitasiya işi həyata keçirilib.
Nazirliyin mətbuat xidmətindən verilən məlumata görə, repatriasiya olunmuş hər bir şəxsin ilk növbədə sosial-psixoloji qiymətləndirilməsi aparılıb. Qiymətləndirmənin nəticəsinə uyğun reabilitasiya planı hazırlanaraq, onun əsasında sosial işçi və psixoloqlar tərəfindən sosial reabilitasiya prosesi həyata keçirilib.
Qeyd edək ki, ümumilikdə, Agentlik tərəfindən ölkəmizə repatriasiya olunmuş 528 şəxs sosial reabilitasiya və reinteqrasiya xidmətləri ilə təmin edilib.
