Dövlət Məşğulluq Agentliyi, Kiçik və Orta Biznesin İnkişafı Agentliyi, “İnkişaf Korporasiyası” QSC-nin birgə təşkilatçılığı, “PASHA Holding” MMC-nin maliyyə dəstəyi ilə “Qarabağ KOB-ları 2024” proqramına başlanılıb. Layihənin məqsədi şəhid ailələri, müharibə iştirakçıları və onların ailə üzvlərinin sosial rifahının yaxşılaşdırılmasına və məşğulluğunun təmin olunmasına dəstək göstərməkdir. 

Proqram çərçivəsində Bakı, Gən­cə, Bərdə, Goranboy, Laçın rayonunun Zabux və Zəngilan rayonunun Ağalı kəndlərində, ümumilikdə, 70 şəxs “Ma­liyyənin idarə olunması”, “Biznes pla­nın hazırlanması”, “Marketinq”, “Sosial media marketinqi”, “İnsan resursları­nın idarə olunması” və “Satış” mövzu­larında biznes, seçilmiş istiqamətlər üzrə peşə təlimlərinə cəlb olunacaqlar. Dövlət Məşğulluq Agentliyi iştirakçıla­ra seçdikləri istiqamət üzrə avadanlıq verəcək. 

Proqram çərçivəsində KOB-ların hazırladığı məhsulların və göstərdik­ləri xidmətlərin satışını həyata keçirən platforma da yaradılıb. Yeni KOB sub-yektləri də həmin platformaya əlavə ediləcək. 

Z.BƏŞİRQIZI
XQ