Mərakeş Krallığının paytaxtı Rabat şəhərində 20-yə yaxın ölkəni təmsil edən 900-ə yaxın ailə və qadın qurumları rəhbərinin qatıldığı I Beynəlxalq Konfrans keçirilib. “Qayğı iqtisadiyyatı və sosial müdafiə: Qadınların səlahiyyətləndiril­məsi, iş imkanları və rifahının təmin edilməsinin əsasları” mövzusuna həsr olunan məclisdə Ailə, Qadın və Uşaq Problemləri üzrə Dövlət Komitəsinin sədri Bahar Muradova da iştirak edib. 

İki gün davam edən beynəlxalq toplan­tının nazirlər plenarında çıxış edən Bahar Muradova iki ölkə arasında bir çox istiqamət­lərdə, o cümlədən ailə və sosial məsələlər sahəsində əməkdaşlığın intensivləşdiyini qeyd edib, bu əlaqələrin möhkəmləndirilməsi və şaxələndirilməsi üçün səylərin artırıldığını vurğulayıb. Ötən il Qoşulmama Hərəkatına üzv dövlətlərin Bakıda keçirilən konfransın­da ölkəmizin təşəbbüsü ilə hərəkatın “Qadın qolu”nun yaradılması barədə bəyannamənin qəbul olunduğunu bildirib. Qayğı iqtisadiyya­tının sosial müdafiə çərçivəsində inteqrasiya olunmasının daha inklüviz və ədalətli cəmiy­yət qurmağa şərait yaratdığından bəhs edən natiq nəticədə, ehtiyacı olan insanların əlça­tan xidmətlərə malik olması və qadınların sə­lahiyyətləndirilməsi üçün böyük potensial ya­randığını əlavə edib. Vurğulayıb ki, regionda sosial-iqtisadi siyasətin əsas prioritetlərindən biri də məhz işğaldan azad olunmuş ərazilərə qısa zamanda daha çox əhalini qaytarmaq, onların təhlükəsiz yaşamasına və məşğullu­ğunun təmin olunmasına nail olmaqdır. Məş­ğulluq sahəsində gender fərqlərinin aradan qaldırılması və iqtisadi bacarıqlarının artırıl­ması məqsədilə müvafiq dəstək proqramları həyata keçirilir. 

“2022 ‒ 2026-cı illərdə sosial iqtisadi inkişaf Strategiyası” barədə məlumat verən Azərbaycan təmsilçisi qeyd edib ki, bu is­tiqamətdə həyata keçirilməsi planlaşdırılan əsas hədəflərdən biri sosial ödənişlərin ün­vanlı və aztəminatlı ailələr üçün yönəldil­məsidir. Komitə sədri deyib ki, ölkələrimiz­də hərtərəfli qayğı iqtisadiyyatın inkişafını gücləndirmək, ailələrimizin möhkəmliyini qoruyub saxlamaq və bu əsasda qadınları­mızın güclənməsinə nail olmaq üçün “yaşıl” iqtisadiyyatın inkişafına və ekoloji mühitin sağlamlığının qorunub saxlanılmasına çalış­maq lazımdır. 

COP29-un bu il Azərbaycanda keçirilə­cəyini bildirən Bahar Muradova bu məqsədlə ölkəmizdə 2024-cü ilin “Yaşıl dünya naminə həmrəylik ili” elan edildiyini və qəbul edil­miş fəaliyyət planı üzrə bir çox layihələr icra olunduğunu qeyd edib. Qarşılıqlı təcrübə mü­badiləsinin sosial müdafiə sisteminin güclən­dirilməsi və bərabərliyi təmin etmək sahəsin­dəki işə böyük töhfə verəcəyinə inamını ifadə edib. 

Z.HÜSEYNOVA
XQ