Abşeron rayonunda görkəmli oftalmoloq-alim, akademik Zərifə xanım Əliyevanın 101 illiyinə həsr olunan tədbir keçirilib.

Abşeron RİH başçısı Abdin Fər­zəliyev bildirib ki, Zərifə xanım Əliyeva Azərbaycan qadını­nın parlaq simasıdır. Respublikamızda səhiyyənin inkişa­fında və bir çox göz xəstəliklərinin müalicəsində Zərifə xa­nım Əliyevanın böyük əzmi və fəaliyyə­tinin olduğunu vurğulayan A.Fərzəliyev vurğulayıb ki, məhz onun sayəsində o dövr üçün aktual olan bir çox tibbi prob­lemlər tamamilə həll olunub.

Millət vəkilləri Aydın Hüseynov, İl­ham Məmmədov Zərifə xanım Əliye­vanın Azərbaycan qadınına nümunə ola biləcək sədaqətli silahdaş, gözəl ana, böyük oftalmoloq-alim olduğu, xeyirxahlığa xidmət etməsi və gənc alimlərin yetişməsində qayğısı barədə danışıblar. 

Daha sonra Abşeron Rayon Mərkə­zi Xəstəxanasının direktoru Azər İsma­yılov, həmin Xəstəxananın əməkdaşı, Vətən müharibəsi şəhidi baş leytenant İlqar Vəliyevin həyat yoldaşı Təhminə Vəliyeva çıxış edərək bildiriblər ki, Zə­rifə xanım Əliyevanın Azərbaycan sə­hiyyəsinin inkişafında və bir çox göz xəstəliklərinin uğurlu müalicəsində bö­yük əzmi və fəaliyyəti vardır. 

Sonda xalq artistləri İlqar Muradov və Samir Cəfərovun, muğam müsa­biqəsi mükafatçısı Leyla Rəhimovanın iştirakı ilə bədii hissə təqdim olunub.

XQ