Naxçıvan Muxtar Respublikası İqtisadiyyat Nazirliyi yanında Dövlət Vergi Xidmətinin məlumatına əsasən, yanvar–mart aylarında qədim diyarda 1559 yeni vergi ödəyicisi qeydiyyata alınıb.
Həmin ödəyicilərin 1467-si fiziki, 92-si hüquqi şəxs və digər təşkilatlar olub. Ötən ilin eyni dövrü ilə müqayisədə qeydiyyata alınmış vergi ödəyicilərinin sayı 8,2 faiz çoxalıb.
Məlumatda, eyni zamanda ilin ilk rübündə büdcəyə ötən ilin eyni dövrünə nisbətən 24,8 faiz və ya 9,1 milyon manat çox–45,8 milyon manat vergi daxil olduğu bildirilib. Cari ilin birinci rübündə Naxçıvanda vergi daxilolmaları üzrə proqnoz 116,1 faiz icra edilib.
Səbuhi HƏSƏNOV
XQ
Naxçıvan
